Meeting

A voi 7nak NCCF BM Meeting

         A voi 7nak Norway Chin Christian Federation Board of Management (NCCF-BM) Meeting cu 22-24 February 2019, Grace Believer Church, Stavanger ah tuah a si i NCCF member Khrihfabu 21 chungah 16 in BM aiawhtu upa 85 an kai kho.

7nak NCCF BM Meeting Kai Upa

          2018 NCCF rianttuannak report peknak, 2019 NCCF rianttuan ding le Budget fehternak hna an ngei kho. Report ning ah NCCF member dihlak ah Church 15, Fellowship 6 le pumpak chungtel pakhat, milurel dihlak ah 1,645, Zarhtin Sunday kai kan fale dihlak 421 an si. NCCF rianttuannak ah 5% in pehtlai a si i 2018 Budget ah NCCF pehtlainak fund thawhmi cu Kr. 399 960 a si.

          NCCF nih a ttuan bikmi cu Sunday school (SS) rianttuannak le Mission rianttuannak caah a si. Norway Baptist Union (DNB) he rianttuantti naklam zong sersiam a si. Atutan meeting zong ah DNB in NCCF meeting ah theihpitu pakhat kai ding ah NCCF le DNB lungtlinnak an ngeih bantuk in DNB Hovesterer Leder Pastor Mangnar Mærland nih a telpi ve hna.

2016-2019 NCCF OC Upa

Atutan meeting ah a biapi mi biachahnak kan ngeihmi cu NCCF le DNB komh in Chin ram ah Mission rianttuantti sisehlaw Mission rian ttuannak ding zohfeltu (survey) ah DNB lei in pa 2, NCCF lei in 2 cu Chin ram ah thlah dingin fehter a si. Cu lengah NCCF Youth & Children (Sunday school) Director lak ding in biafun a si i a ra laimi July, 2019 a voi 8nak NCCF GM meeting ah fehter a si lai. 7nak NCCF BM biachahnak cu attach file in kan thil chih.

Attached file: A voi 7nak NCCF-BM Meeting Record

——————————

Related Post