2017-18 NCCF Youth Church School Program Thawk A si Cang!

  

Telemark Area:  NCCF Sunday committee hruai -nak in NCCF Youth (Kum 13-17) Sunday school program cu 11 August 2017 (ninga), 12:17:00 ah Telemark Area, TCBC, Skien in thawk a si cang.

Pathian lamhruainak thawngin kan fale mino 5 an chuak kho. Cawnpiaktu le tawlreltu ah Pa Tlung (Za Tlung Lian) le Aa Siang (Siang Khin Par) an si. NCCF Secretary Pastor Ceu Mang nih onnak le thlacamnak a ngeih hnuah ‘Pathian muikeng in ser kan si’  timi cawnpiak an si.

08 August, TCBC, ECBC, LCF le KCCF fonh in Telemark Area Church School a kaimi hna

 

Stavanger Area: Stavanger Area cu IBC Sandnes, GBC le SCC Stavanger Khrihfabu pa 3 fonh an si i mino 18 an chuak kho. IBC Youth Seminar he fonh in 19 August ah thawk a si. NCCF min in Secretary Pastor Ceu Mang nih a telpi hna. Stavanger Area cawnpiaktu ding cu Bawi Hrin le Meena an si i Pastor Tawk Hmun nih a tawl rel. Cawnpiaktu ah Laget, Norway in Daniel le Brazil nu an si.
Laget Leader Daniel

IBC Sandnes, SCC le GBC Stavanger fonh in Stavanger Area Church School Kaimi Hna, 19 August

 

Grimstad Area: GCBC le CBC fonh Grimstad Area NCCF Youth Church school zong 26 August in kai ham an e cang. Mino 7 an kai kho. Cawnpiaktu ah Pa Tlung (Za Tlung Lian) a si. ‘Pathian muikeng in ser kan si’  timi cawnpiak an si. NCCF Secretary Pastor Ceu Mang nih a telpi hna.

Grimsatd Area pehtlainak le hruaitu cu Pastor Ngun Cung a si i bawmtu ah Rosie Duh Thluai Par le Kyi Kyi an si.
Cawnnak hmun a kan sersiam piaktu CBC, Grimstad nih chun caw thaw taktak in an kan dangh. Bawipa nih hmang chin ko hna seh!


Grimstad Area, 26 August

Moi Area cu ZBC, BCC le VACC fonh a si lai i 2 September 2017, ZBC Egersund ah chun 13;00-17:00 ah a si lai i Moi area pehtlainak le hruaitu ah Mang Bawi Lian, Egersund a si i bawmtu ah Tialku, Moi le Iang Nawn Par, Mandal an si. NCCF Sunday school leader Pastor Tawk Hmun nih a telpi hna lai i cawnpiaktu ah Bawi Hrin le Meena an si lai. Hamar Area zong 22-23 September, CCC, Hamar in thawk a si lai. Hi Youth Church school program cu 2017 August in May 2018 a si lai. 2017 kum dih tiang progam le nithla zong fehter dih a si cang.

 

NCCF News