Thawngpang

Chinram ah NCCF & DNB in Mission Survey

Norway Baptist Union (DNB) le NCCF fonh in Chinram ah mission rianttuantti ding in Mission survey ah March 20 in 30, 2019 tiang Kanpetlet peng ah an kal. DNB lei in Mission Director Lisa Kyllingstad le Pastor Peter Ngaidam, NCCF lei in NCCF Chairman Pu Aung Lin le Secretary Pastor Ceu Mang hna an si.  

Atu lio NCCF nih Mission rian a ttuan cuahmahnak Paletwah peng kal an i tim nain ram a dai lo i ramdang mi luh khawh a si lo caah Paletwah an kal kho lo. Cucaah NCCF member hna Mission rian an rak ttuannak Kanpetlet peng tu an thim hi a si. Kanpetlet Township Baptist Association (KTBA) he March 21 ah Mission rian he pehtlai in ton biaruahnak an ngei hmasa.

KTBA Rianttuantu hna he tonnak

22 March ah Kanpetlet peng khuate lei khua 2-3 an lut. Tang riat sianginn a umnak Sangimnu khua an phan i khuachung um Khrihfabu kip komh nih lunglawm tein an rak don hna. Nikhat chung nule pa, mino le ngakchia hna he ton biaruahnak an ngei kho.


Sangimnu Baptist Biakinn ah Bu kip he Ton Biaruahnak

23 March ah KTBA rianttuantu hna he ton biaruahnak ngeih tthan a si. DNB le NCCF he partner in Mission rian ttuantti awk a tthat le tthat lo le zei bantuk mission rian in ttuan ahdah a tthat timi ruahttinak le ceihttinak a si. Kanpetlet ah Mission rian in a lutmi Bu dangdang an rianttuannak, Mission rian an ttuan cio ning zohfelnak zong ngeih a si. Khuapi ah maw khuate lei ahdah ti le Khrihfabu an um rih lonak khua tiangin Mission rian zei tin dah kan luhpi lai ti tiang ceihttinak an ngei kho.


A voi 2nak KTBA he Tonnak
Victoria tlangcung ah.

NCCF le NCCF member hna nih Chin ram ah Mission rian a ttuanmi cu Holistic Mission in a tam deuh cu ttuan a si. Cu rian cu NCCF nih hmual ngei deuhin ttuan khawh ding ah DNB sawm a rak timh peng nain 2017 July hnu long ah DNB he coordinating partner (Arbeidsgrene) in ttuantti hram a thawk. Cu cangka in Chin ram ah mission rianttuantti ding ah DNB aa sawm i atu hi a voi khatnak Chin ram Mission survey an tuah khawh hi a si.


Victoria Tlangpar ah ke in kai hram thawknak

Mission survey le Mission rianttuaning ceihttinak an dih hnu ah Chinram tlang sang bik Victoria (Khonumtung) tlangpar ah an kai. 2020 kum thawk in NCCF le DNB fonh in Chin Mission cu thawk ding timh tuahnak an ngei ti kan theih. NCCF

Kan thawngpang dangdang pawl: