Thawngpang

DNB le NCCF Hruaitu Upa Tonnak An Ngei

 

A voi 3nak DNB le NCCF Ton Biaruahnak:    26 August, Ålgård Baptist Church ah DNB le NCCF upa a voi 3nak ton biaruahnak ngeih a si. Meeting cu DNB lei in Mette Marie Hebnes nih a hruai, NCCF cu DNB nih a pa 6nak arbeidsgrener in ah kan in cohlan cang hna timi kongah lunglawm tein dawnnak le lawm bia a chim. Pastor Ceu Mang zong nih NCCF aiawh in DNB sinah lunglawm bia a chim hnuah DNB HS ah NCCF aiawh in Pu Aung Lin thim in thlah a sinak a chim ve. Biafun khawhmi kan ngeihmi cu nihin thawkin NCCF le DNB riantuantti hram thawk a si cang i Pu Aung Lin zong Setember 11-12, 2017, DNB HS meeting ah NCCF aiawh in a kai ve cang lai.

DNB lei in biaruahnak an ngeihmi cu 2018 DNB Budget cu fehter cia a sinak kong an chim hmasa hnu ah 2018 budget in NCCF cu DNB nih bawmhnak (admin støtte) statlig tilskudd chungin 10% bawmh ah a tha/za maw, timi ruahnak an kan hal; Admin støtte cu kumkhat hnu kumkhat duhsah in karh ding kha timhmi a sinaak le 40-50% tiang bawmh ding an timhtuahnak kong an kan chim; 2018 ah 10% in bawmh hmasa nan si lai’’ ti a si.

 

NCCF lei kaimi nih, ‘‘Zeizat bawmh ding timi kongah zeihmanh kanmah leiin biakhiahnak a um lonak kong le, hi bawmhnak phaisa kha a biapi bikmi si loin NCCF le DNB program le project sertti le rian ttuantti kha a biapimi a sinak kan chim; Culengah NCCF riantuanak report cu DNB meeting ah pek a hau lai maw’’ ti kan hal. DNB lei in ‘2018 DNB General Meeting ah NCCF nih report tuah dingin ttuanvo nan ngei lo (‘no obligation/ingen plikt’ – anmah biafang) , sinain  i theihternak nan i tuah khawh, hmurka (oral) in power point presentation bantuk zongin nan tuah kho’’ ti a si.

 

NCCF cu 2017 DNB Landsmøte nih Arbeidsgrener in 6 July 2017 ah a cohlan cang.  Arbeidsgrener ti cu Ung Baptist he a dirhmun aa khat. District level nakin a dirhmun a sang deuh. Atutiang an kan cohlan cangmi cu DNB Hovedstere (HS) member ah NCCF in aiawhtu upa pakhat kan i thlah cang lai i 2017 September HS meeting ah NCCF in kan kai ve cang lai. Kan program zeimawzat cu HS he ceihtti in DNB nih a kan tawlrelpi lai. 2019 in DNB Landsmøte ah kan rianttuannak report kan pek ve lengmang cang lai. Hmailei ttuantti ding timhtuahmi hna cu;

  1. European Baptist Federation nih Norway ah 2021 September ah EBF Conference tuah an duhnak le Biachah a si ahcun NCCF he hmun khat ah ttan tti dingin an kan sawm;
  2. DNB nih mino hna nupa sinak kongah zuamhteih a tongmi hna (Sexual abuse) caah fim cawnpiaknak Trygg Project an ngeihmi ah an kan sawm;
  3. NCCF zong nih DNB nih a ngeihmi cawlcanghnak (Seminars, Leader conference/ gatherings, tours ) ti bantuk ah i tel khawh ve ahcun i hlawknak tampi a um lainak an kan chimh; Kha bantuk cawlcanghnak ah i telnak thawngin; kaphnih caah theihhngalhnak a karh lai, pumpak i hlawkpinak zong a um lai tiah an kan sawm.

 

A voi 4nak DNB le NCCF ton biaruahnak cu November 18, 2017 Kl. 12:00-17:00 tiang Rogaland ah tuah tthan ding in kan lung a tling; Cu tikah ceih dingmi cu Youth & Children le Mission pawl tlamtling deuh in ceih ding le caan rem zoh in Women rianttuanttinak zong ceih ding timh a si,  NCCF

Kan thawngpang dangdang pawl: