Thawngpang

NCCYF EC Meeting

A voi 18nak NCCYF EC meeting cu January 26, 2019, Gdansk, Poland ah tuah a si. Khrihfabu 9 in NCCYF EC upa, CSUN le NCCF OC in upa pakhat cio an chuak kho. NCCYF kum dih meeting a si bantuk in kumkhat chung NCCYF rianttuannak theihternak le kumkhat chunh rianttuan ding fehternak hna tuah a si. 2018 ah ttuanchuahmi hna cu;

DNB le Ungbaptist he Tonnak: November 18, 2018 Ålgård Baptistmenighet ah NCCYF OC, NCCF OC, Ungbaptist, DNB lei in General Secretary le Chairman hna he biaruahnak ngeih a si. Hi biaruahmi ah zalong tein duhnak tete chm in a si. NCCYF lei in ruahmi biatuang hna cu; Ungbaptist nih hin NCCYF hi atu a dirhmun ning in rak kan cohlang kho ulaw kan duh, cun, Ungbaptist styre ah NCCYF aiawh in minung pakhat thlah khawh nak? Ungbaptist nih NCCYF caah rianṭuantu 30% (ansatte) nan kan ruahpiak kho hnga maw?, timi hna an si.

Khrihfabu mino sin kip ah NCCYF Chairman le Secretary khualtlawnnak ngei kho usihlaw NCCYF rianṭuannak kong chimnak ngei usih kan ti i nikum 2018 chungah khan hmun hnih lawng ah kan tlawng kho (YIBC mino October 20, 2018, SCC mino November 18, 2018). Kan tlawnnak ahcun mino pawl he NCCYF kong biaruahnak kan ngei kho hna.

July 19-21, 2018, Chin Community in Norway hruainak in mino hna zaanglek celh zuamnak tuahnak hrang ah NCCYF sinah bawmh an kan hal i Kr.5000 (thong nga) kan bawmh khawh hna. Cun, Chin Baptist Association (CBA) nih CBA Center saknak caah bawmhhalnak cakuat kan sin a phan ve i NCCYF nih kan ti khawh tawk in Kr.5000 (thong nga) bawmhnak kan pek hna. August 23-25, 2018 (Denmark, Saaby), A voi 3 nak CCAE GA meeting ah NCCYF kan Chairman zong meeting a kai kho.  2018 NCCYF Sunday pulpit thlennak programme zong nan Khrihfabu cio in nan mino hna thazaang chuahnak thawngin tlam a tling. Bawikhrih le Khrihfabu caah thazaang a chuahmi mino dihlak cungah hi kan report peknak hin kan lunglawmhnak kan rak langhter.

NCCYF leadership training cu April 20-21, 2018 NCMC Khrihfabu sinah Rev. Ceu Mang sawm in tlamtling tein kan tuah kho. Chin Student Union (CSUN) he i komh in seminar zong Egersund Zion Baptist (October 5-7, 2018; CSUN le NCCYF tonnak) Church sinah tlamtling tein kan ngei kho. Seminar kan tuahmi kong he pehtlai in aa tel khomi kan mino hna nih thil ṭha in an hmuh caah ṭhathnemnak a um ko tiah kan hmuh i Pathian kan thangṭhat.

Kan mino hna ṭhanchonak lam a si hnga maw kan ti i Khrihfabu sin kipah thawngthanhnak kan tuah i Unglederskap kai a duhmi an um ahcun NCCYF nih kaiter ding kan timi cu (2018-2019 tiang) kan mino chungin a kai khomi pakhat kan ngei. Emmausveien (course) le Basic kai a duhmi an um ahcun minung pakhat veve in kaiter ding kan timi zong kan mino chungin a kan zuampiak khomi an um i an kai lio. BU-Leier kal ding rak timi zong kan mino Chairman le a naule an kai khawh caah kan i lawm.

Kan thawngpang dangdang pawl: