NCCF nih Civui a tuah hi a voi 7nak a si cang. Civui kan tuah caan ah thawngtha chimtu pa khat kan sawm tawn hna i anmah nih a dihlak ngot in caan hman a si i a tha ngai ve. A tu kum tu cu a zei paoh a si hmanh ah thawngtha i hrawmnak long si loin nihin kan pemnak ram Khrihfabu kan dirhnak le kan dirhmun ruah kemh in hmailei zei tin dah dirhmun kan i lak ah a tthat, timi ruah kemh thiam awk ah NCCF civui le CCAE civui he komh in Theological seminar cu July 19-20, 2019 IBC Sandnes ah ni 2 chung ngeih chih ding in timh a si.

Seminar hmui tinh cu kan pemnak ram ah chantiluan chungin Chin Khrihfabu kan dirhmun zei dah a si i zei tin dah thazaang kan lak lai timi Baibal mit in zohttinak caah siseh, nihin Chin Khrihfabu chung in kan pem ram chan tiluan ah aa tthangmi mino hna dirhmun le hmailei Chin Khrihfabu a dirhmun ding zei tin dah kan sersiam lai i, kan i timhlamh lai, timi catluan chuahpitu ah Baibal thiamsang hna sawm in ceihttinak ngeih ding kan si.

Cucaah kanmah Europe chung long si loin Chin Khrihfami hna a run in kan pemnak ram USA le Australia lei in Khrihfabu ah Mino hruaitu Baibal thiamsang hna sawm chih in anmah ram cio Chin Khrihfa cio a tu lio dirhmun, an tawnmi thil le hmailei an hmuh chungning Baibal mit in cathluan chuahpi cio awk ah a tanglei bantuk in sawm an si.

1. Identity of the Church in the midst of Globalization (Focus on Diaspora Chin Churches) – Rev. Dr. Law Ha Ling
2. The Generation Gap and Tomorrow ́ Church
3. Denmark Dirhmun –     Rev. Emmanuel Cinzah, Executive Secretary, CCAE
4. USA Dirhmun  –          Rev. Za Thawng Cin, Youth Director, CBC USA
5. Australia Dirhmun –     Rev. Cung Hnin, Youth Director, CCCA Australia
6. Norway Dirhmun   –     Rev. Bawi Tha Kung. CE & Youth Pastor, IBC Sandnes    

                         Seminar ah Cathluan chuahpitu hna

Rev. Bawi Tha Kung

(Norway dirhmun in)

Rev. Za Thawng Cin

(USA dirhmun in)

Rev. Cung Hnin

(Australia dirhmun in)

Seminar cu civui chung ah zanlei 2:00pm in 5:30pm tiang ni 2 chung tuah a si. Civui zoh upa dihlak nawn in an kai kho. Cathluan chuahpi hnu ah biahalnak le ceihttinak caan hman a si i mipi lung a lut ngaingai. Biahalnak le ruahnak cheuhnak a tam ngaingai. Cathluan chuapimi hna cu attach file in kan hun thil chih. NCCF

1. Identity of the Church in the midst of Globalization – Rev. Dr. Law Ha
2. Ling The Generation Gap and Tomorrow ́Church –   Rev. Za Thawng Cin
3. The Generation Gap and Tomorrow ́ Church –    Rev. Cung Hnin