A voi 7nak NCCF Civui cu a voi 1nak CCAE civui he komh in 18-21 July 2019, Immanuel Baptist Church, Sandnes ah hlunghlai ngai in tuah a si. Milurel 800ca. kan chuak kho.

NCCF le CCAE civui Baibal cangthim cu

“Kan sin i na kal lo ding ahcun, hi hmun hin kan thawhter hlah!” Exodus 33:15 a si.

Main speaker ah Kawl ram in Rev. Dr. Law Ha ling, General Secretary, Chin Baptist Convention, Falam sawm a si i an nupa in an kan telpi. Cu leng ah USA in Pastor Za Thawng Cin, Youth Director, CBC USA le a nau le ziathiam 7 siseh Australia in Rev. Cung Hnin, Youth Director, Chin Council of Churches of Australia  siseh Kawlram in zai thiam Aa Thang le Ni Lente tafar hna nih siseh kan civui chung thawngtha chimnak, seminar  cathluan chuahpinak le thangthat hla saknak in an kan telpi i kan civui an lumh ngaingai. Bawipa nih Amah sunparnak caah hmang chin ko hna seh!

CCAE Civui: A voi 7nak NCCF Civui le a voi 1nak CCAE Civui cu kemh in tuah a si bangin CCAE Civui program zong a dang tein caan hman a si. CCAE Executive Secretary Rev. Emmanuel Cinzah nih CCAE rianttuannak theihternak le member Khrihfabu cio dirhmun theihternak a kan tuah. Vice Chairman Rev. Tuan Cung nih thawngtha a kan chimh. Atu lio CCAE OB cu a tanglei bantuk in a si.

1. Chairman                     –           Rev. Ceu Mang, NCCF, Norway
2. Vice Chairman            –           Rev. Tuan Cung, CCADK, Denmark
3. Executive Secretary    –           Rev. Emmanuel Cinzah, CCADK, Denmak
4. Asst. Executive Secretary –     Rev. Tuan Peng Thang, CCFS, Sweden
5. Treasurer                     –           Rev. Ngun Cung, NCCF, Denmark

CBC USA le CCCA Australia lei mino hruaitu kan sawmmi hna nih tlamtling tein an rak kan telpi hi kan i lung hmuih ngaingai. Aw le zai in thazaang an kan pek long si loin Europe khuasa kan fanau hna nih vawlei khuaza ah Chin Khrihfami hna kan um i thawngtha in i hawikomhnak, thazaang i peknak lengah hi sining nih Europe khuasa Chin Khrihfa kan dirhmun zong a fehter chin lai ti kan i ruahchan. A hlei in Youth Director hna nih Generation Gap and Tomorrow Church he pehtlai in kan pemnak ram ah atu lio Chin mi le Khrihfa kan dirhmun le sining hi kan fale he zei tin dah kut kan i chanh lai timi cathluan zong seminar caan ah chuahpinak an ngei. Lung a hmui ko. Bawipa nih Amah sunparnak caah hmang chin ko hna seh!

NCCF Sunday School Civui ah Inn cung kai lio

NCCF Sunday School Civui:  NCCF nih Norway ka fale dihlak cu kum khat ah a tlawm bik voi khat tal an bu in kum tonnak ngeih in Pathian bia le hla he i hawikomhnak ngeih awk ah NCCF Sunday School (SS) Civui cu kum tin in tuah a si. NCCF Civui a um caan cu upa he fonh in hmun khat tuahtti a si i 2019 cu NCCF Civui kum a si caah hmun khat ah tuah ve a si. SS kai kan fa le 250ca. an chuak kho. Hlunghlai tein Pathian biakttinak, thangthattinak le hawikomhnak an ngei ko. Zarhpi civui zing pumh ah inn cung kai caan ti a si i mipi pumhnak ah thangthat hla an rak sa ve ton.

NCCF