A voi 8nak NCCF GM meeting cu July 18, 2019, Immanuel Baptist Church, Sandnes ah tlamtling tein tuah a si. Khfirhfabu 19 in GM aiawhtu upa 111 an kai kho. 2016-2019 Kum thum chung NCCF in NCCF OC rianttuannak, Mission rianttuannak, Sunday school committee rianttuannak, NCCYF le NCCWF rianttuannak report hna cu tlamtling tein pek a si. (Appendix 01 ah zoh) 2019-2022 NCCF OB upa zong atutan NCCF GM nih a tanglei ning in a thim hna.
- Chairman – Pu Aung Lin Zaathang
- Secretary – Pastor Ceu Mang
- Treasurer – Pastor John Tha Cung
- Vice Chairman/Mission Leader – Pastor Peter Ngaidam
- Ast. Secretary/SS Leader – Pastor Ngun Cung
- Ast.Treasurer – Pastor Vanlian Oke
Report peknak le thimnak leng ah NCCF rianttuannak he pehtlai in a biapi mi fehternak an ngeihmi cu Norway Baptist Uion (DNB) he Cooperating partner in pehtlainak NCCF BM nih a rak sermi cu atutan NCCF GM nih a fehter. Cu leng ah DNB Mission department he komh in Chin state ah Joint in mission rian ttuantti ding ah fehter a si rih. 2019-2022 NCCF Strategy cu a tanglei bantuk in a si.
NCCF Strategy:
- NCCF chungkhar hna Thlarau thazaang laknak le a lamkip in thanchonnak lam sersiamnak,
- Pathian sunparnak caah NCCF rianṭuannak a ṭhancho i kan phak ram Norway Khrihfa mi hna he tlumtla tein Bawipa rian a ṭuanṭimi Bu ah sersiamnak,
- Pathian a kan dawtnak cu kan fale hna nih an hmet tein an i ṭhanpi naklai kokek holh tein Sunday School cawnnak program Khrihfabu kip ah ngeih khawh naklam sersiamnak,
- Kokek holh in Baibal rel khawhnak le Pathian thangṭhat hla sak khawhnak ding caah Khrihfabu hna hram bunh in Chinca cawnnak sersiamnak,
- Chin ram ah Mission rianṭuannak le bawmhnak,
- Hi rian hna tlam a tlin khawhnak dingah kan umnak ram Khrihfabu le ramkip um Chin Khrihfabu hna he komh in rianṭuanṭinak
NCCF GM meeting cu NCCF Civui he komh in kum thum dan ah voi khat tuah a si. NCCF GM tuah kum ah NCCWF General Meeting zong tuah a si ve ton.
NCCF
