Thawngpang

COVID19 ruangah NCCF in a voi 5nak Thawngthanh

NCCF Member Dihlak

C/O NCCF EC

                                                                                                                  May 01, 2020

Dear Bawi Khrih ah ttuan hawi hna,

Pathian dawtnak le hnangam daihnak cu nan dihlak cungah um ko seh! The Christian Council of Norway (Norges Kristne Råd) in thawngthanh, DNB nih an kan thanh chinmi kan hung in hrawmh ve hna.

`April 30 (30/04) Cozah thawngzamh ah (May 07, 2020 in) minung 50 tiang hmunkhat ah pumhtti khawhnak nawl an kan pek cang. Zulh ding a ummi cu minung pakhat le pakhat meter pakhat  i hlat in thutdir kan  hau.

Mah lawng siloin, mipi hna nih zawtnak rai i runvennak (Smittevern) tha tein an zulh nak hnga Khrihfabu nih tuanvo kan ngei. Biakinn ah pumhnak le a dang tonnak tuah khawh than ding cu kan caah thawngtha tuk a si.


Asi nain zawtnak hrik a karhnak hnga lo tunavo kan ngei ve. Norges Kristne Råd nih Smitteveileder timi khrihfabu hna nih zulh dingmi Zulh Ding Guide kan ser cuahmah i. kan dih cangka Cozah winci zung (Departmementet) ah kan kuat lai. Winci zung nih an kan cohlan piak (Godkjent) hnu ah le, Khrihfabu cio nih zawtnak rai i vennak tha tein kan sersiam khawh hnu long ah, Biakinn kan on khawh lai. Ngakchia Sunday school le Mino ca zong Zulh Ding Guide kan ser lio a si ve.
Cucaah cozah zung nih Zulh Ding Guide an kan cohlan piak hlan le, Khrihfabu hna nih zawtnak rai i vennak tha tein kan ser i kan zulh khawh hlan cu, Biakinn on rih lo ding in nawl kan in duh hna`
, ti a si. Baptist.no

Hihi Norges Kristne Råd lei in thawngthanh a si. Online pumhnak program, Biakinn in a thlahmi Khrihfabu caah Praise & worship hruaitu tam deuh an dir kho cang tinak a si cu. Cucaah NCCF ramchung Khrihfabu cio zong fiang tein thanhnak a um hlan cu online pumhnak in sersiam cio kan ttha rih ko ti kha kan hung in thanh chin hna.

Bawipa rian ah nan ttuan hawi,

Ceu Mang

Secretary, NCCF

Kan thawngpang dangdang pawl: